“Nomada” Aitziber Etxeberriaren azken liburua

“Nomada” Aitziber Etxeberriaren azken liburua

Hanoi // Vietnam, 2000ko negua.

portada1199Sobietar Batasuneko enbaxadore berriaren etorrerak Nikolay Zaitseven bizimodu lasaia hankaz gora ipini du eta Txotxongilo Antzokiko bere mundu txikitik aterarazi. Hasiera batean pasaportea berritzeko errutinazkoa behar zuen solasaldia, ustekabean denboran luzatzen eta korapilatzen joan den itaunketa sakona bilakatu da, iraganeko heriotza bat argitu nahian. Intriga, espioitza konplotak eta gudaren oroitzapen oso gertukoak nahasten dituen ezohiko eleberri honetan, informazioa trebeziaz aletzen joango zaigu idazlea, Nikolay Zaitseven moduan, bera ere sekretu guztiak kolpetik ez azaltzeko ahaleginean. Hain zuzen ere, identifikatua eta kontrolatua izatea baita nomadaren egiazko beldurra.

OLYMPUS DIGITAL CAMERA

 

Aitziber Etxeberria Garro (Zarautz, 1973), idazlea eta gure arreba nagusi maitea.

Bi eleberri idatzi ditu orain arte:

Tango urdina (2003, Erein) eta 31 baioneta (2007, Erein). Donostia, “Opera Prima” saria lortu zuen. Nomada du hirugarren eleberria.

Haur literaturako kontakizun bat ere badu argitaratua: Lapurrak dabiltza azokan (2010, Erein).

No Comments

Post A Comment

*